工程一分鐘 #2 — 幾時裝修好啲呢??

幾時裝修好啲呢??
好多時同朋友傾計,都會聽到「我想裝修」、「我諗住裝修」之類既對白。咁到底幾時裝修好D呢?

好多人揀年底裝修, 到底有咩好處同壞處呢?
其實好多人揀年底裝修係因為「人人都係年底裝修」,年底裝修最大好處係可以靚靚仔仔咁過年,壞處係年底係裝修旺季,個個都好忙,好多師傅係呢個時候就會忽略左啲細節,就算本來手工幾好都會扣分,嚴重啲有啲師傅為左趕下一單,而偷工減料都唔算好新奇,除非你可以日日篤住佢做,如果唔係,選擇一間有工程監督既公司,就好有用喇。
又或者你會聽過人講,年頭潮濕裝修唔好呀。啲油漆會唔靚嫁。的確,潮濕天油漆係難做啲,但唔代表會做唔到,只係需要多幾個步驟,同埋要比足夠時間。其實潮濕天油漆難做,好大問題係由於灰底比較難乾。只要你比夠時間佢乾就唔會有大問題。加上年頭比較靜,師傅唔使趕,你又比夠時間,佢都會慢慢做,做靚佢,唔想番手。
所以,幾時裝修其實唔重要,重要係比足夠又合理既時間設計公司,咁樣做出黎就會理想好多。幾多時間係合理呢?以一般600呎左右嘅屋黎講,由你接觸設計公司開始計大約3至5個月左右,其中頭一兩個月係設計出圖揀料呢類準備工夫。施工大約二至三個月,視乎設計會有少少出入。

工程小知識

不鏽鋼之迷 ~ 不鏽鋼真係唔會生鏽?
其實不鏽鋼只係無普通鋼咁易生鏽。一般裝修時會用到既不鏽鋼,其實只係不鏽鋼既小部分。不鏽鋼會用編號分類,數字只係分類,唔係越大就越好,唔同數字主要係唔同用途。
裝修常用會有 200系列(201, 202, 204),300系列 (304, 316),其他用途仲有 400, 500 同600 系列。
例如做鋼閘,室內多數會用 200系列,室外就會用300系列。 300系列防鏽效果會比200系列好,當然亦會比較貴。一般鋼閘公司,如果冇指明就會用200系列,如果做戶外多數會寫明用304,價錢係有大分別,所以訂鋼閘嘅時候就要按自己需要黎揀喇。最後要記住唔好用普通清潔劑抹不鏽鋼,因為大部份都含有令不鏽鋼生鏽嘅成份,由其係酸性清潔劑。要抹不鏽鋼可以用專用清潔劑,或者就咁用半乾濕布抹就可以。

謝夫
#PT201835002

相關文章

9 項家居裝修中最容易忽略的費用

9 項家居裝修中最容易忽略的費用

[裝修準備] 很多人在裝修前都會準備好裝修預算,但其實一個工程中,有不少容易被忽略但十分重要的裝修收費,臨時才知道要花費,未免失措又失預算。 在香港,裝修洗費一般可以分為三大類: 購物、工程和其他雜項,而每類支出都包含了一些容易被忽略的洗費,現在就由我們為您一一拆解: 購物 不少家庭準備裝修預算時會忽略更換或添置家電傢俱的洗費,部份人開始時打算沿用舊有傢俬電器,但到後期因種種原因,例如:...

四個學校裝修必定要注意的細節

四個學校裝修必定要注意的細節

[裝修教學] 為了改善學生學習環境,不少歷史悠久的學校都會進行校舍改善工程,翻新學校設計,以更貼合現代全人教育的需要。但學校工程中亦有不少注意事項。 學校工程時間 校舍改善工程需要較多時間,學校一般會選擇在較長的假期進行工程,例如復活節、聖誕節,暑假等,以免阻礙日常教育工作,但長假期間,如果學校活動與工期相撞,不但打擾到學生和教職員,也妨礙工程進度。所以,進行學校工程前,校方和工程公司必須有一個明確工期,不但包括何時開始和結束、總工程日數、每星期工程日數等,如有需要,更需定明何日何時不可進行工程。 2. 學校裝修預算...

點解仲要搵室內設計師? (下)

點解仲要搵室內設計師? (下)

[設計心得] 上回講到,故事的主人翁準備了一個他認為最理想的平面圖來到我們辦公室討論工程事宜。但經設計師深入了解,最後終察覺到客人心中的一些顧慮:1. 客房傢俬佈局受太大限制。2. 客人始終擔心訪客每次要走樓梯才能如廁會帶來不便。3. 客飯廳空間未能完全發揮。 設計師的建議 故事中的主人翁是一個很有主見的客人,他利用一個免費室內設計軟件,根據自己的想法繪製出他認為最好的平面圖佈局。 經詳談後,設計師覺得客人準備的平面圖並不如想像中的理想,所以設計師便著手準備Option 2供客人考慮: 1....