裝修前的準備(最終回)

裝修迷思 #7 裝修前的準備(最終回) – 如何尋找合適的設計公司

當大家以為自己落足心機,做好準備就一定搵到適合自己嘅設計公司?你又知唔知當中有好多陷阱等緊你?快D睇下有乜要注意啦……

如果不希望錯過好的設計公司,或者因被誤導而選擇不合適的設計公司,大家必需注意以下三個要點:

 

第一,要先做好前幾集提到的準備

當你找設計師/裝修公司時,絶對不能是一張白紙。如果在溝通過程中,客人對裝修目的、預算、設計和建材等毫無概念,幸運的,只是拖慢工程進度,嚴重的,客人有機會被不良設計/裝修公司誤導,任由擺佈,最後導致貨不對辨或爛尾收場。

其他準備詳情可參考:

定立目標 準備預算

設計概念

逛建材街

第二,必需貨比三家

起初,客人可能不清楚裝修師傅,工程公司及設計公司的分別;又或者未能完全明白設計師或裝修師傅解釋的工程內容。但當客人累積的經驗愈來愈多,就可以透過比較它們的服務、收費和施工標準,選擇出最適合自己的裝修團隊。因此,第一步先想清楚自己的目標和預算,其實已可大大地收窄選擇範疇。舉例子說,若客人決定聘請設計公司而非裝修師傅,那客人只需直接比較不同設計公司的服務,而不用再花時間比較裝修師傅和設計公司之差異,反之亦然。當然,貨比三家並不代表要無止境地比較,其實收窄範疇後,大家只需要比較兩至三間不同的公司就已經十分足夠。

第三,預留足夠時間作準備

聘請設計/裝修公司的過程就好比一場談判,所以除了要預留時間做好我們分享過的步驟外,客人更需要預留時間下決定。有更多時間,無疑為自己增加更多籌碼。相反,如客人需要倉猝下決定,就很難選擇到一間適合自己的裝修團隊,後果可大可少。需要預留多時間才合適?一般香港家居內裝約2-3個月,和設計師商討設計及其他準備約需1-1.5個月,準備時間約3-4個月。因此,客人應由預計入伙日倒轉推算約6-9個月作準備最為合適。當然,這個數字只供參考,亦因應客人的單位大小及設計要求而有所調整。

CV201846007
#PT201843006

工程一分鐘 #6 — 「與 Designer 行街」

「與 Designer 行街」

相信好多人都有聽過,「Designer 會陪你行街」。咩為之「Designer 會陪你行街」呢?
其實即係 Designer 幫你揀料,唔一定係同你一齊去行街。可以係佢準備左一啲物料比你,等你選擇。
不過一般人都係多心,所以好多時 Designer 就會同客人一齊去揀料、買料。
Designer 幫你揀、陪你揀同你自己去揀,分別係咩呢?首先 Designer 係諗設計嘅時候已經諗左一啲組合,可以配合成個項目嘅整體設計。另外有經驗嘅 Designer 揀料同用料嘅次數非常多,揀料時,除左快,仲可以即時分辨到適唔適合個設計。客人自己揀,好多時會睇中某一樣野,之後就唔再考慮其他可能性。
出現呢個情況好容易會影響整體設計。再嚴重啲甚至會由靚變唔靚,因為一般客人經驗唔多,睇到某一種牆紙嘅樣辦,可能覺得好驚艷。但原來當佢變成一大幅貼左係牆嘅時候就會唔好睇,因為客人缺乏經驗所以唔會有呢種想像力。
既然你揀左個 Designer 幫你做全屋嘅設計,你都應該要相信 Designer 嘅眼光同意見。

 

工程小知識

USB制面
而家好多人裝修時鍾意揀一啲有 USB 嘅制面。當然有 USB 嘅制面好方便,不過小弟就唔係咁推薦大家喇。
有幾個原因,第一呢種制面要將咁多野放入一個咁細嘅空間,出現故障嘅機會自然會多。
第二 USB 技術進步非常快,例如而家有 QC 3.0 之類嘅快叉技術,但係好多 USB 制面都唔支援。更唔好講再新啲嘅 PD 技術。
當然你現在係可以買到最新嘅技術,不過問題係可以新幾耐?係一兩年間 USB 充電技術已經更新左幾次,唔通你打算每年換新制面?
第三就係呢種制面貴仲要唔多款揀。所以我都係建議大家揀番普通制面比較好。

謝夫
#PT201843006

裝修前的準備(續集2)

裝修迷思 #6 裝修前的準備(續集2) – 逛建材街

工程開展之前,客人往往需要花大量時間去消化同考慮設計師提出嘅方案,其中一個最主要原因,係大家太少接觸唔同建築材料,所以好難知道唔同方案嘅優點缺點。當然,大部份人一生只有一兩次裝修經驗,所以係可以理解。但依個問題其實並唔係無辦法解決,想知要點做?快D睇最新一集,裝修迷思 之 裝修前準備 啦!!

CV201842006
#PT201841005

工程一分鐘 #5 — 「裝修前準備~保留物品」

「裝修前準備~保留物品」

好多人裝修時,都會同 designer 講 「我想要多啲櫃, 多啲收納空間, 因為我好多野。」
上集同大家提過,裝修前要解決物品暫存嘅問題,當然而家可能幾百蚊就可以租個迷你倉放住先。
不過呢個係咪一個最好嘅解決方法呢?
迷你倉可以解決暫存嘅問題,但係暫存只係講緊暫時性,換句話講,裝修時都要預留一啲空間黎放番啲野。
其實有一個更簡單嘅方法 — 就係消滅佢。唔好話裝修,其實每次你執屋,你都會發覺有好多唔等使嘅野。例如各式紀念品,收藏品之類。或者有啲野買左番黎,用左一次就冇再用。只要你將呢類,兩三年冇用過嘅野放棄,你會發覺你多左好多位,少左好多雜物。咁樣做除左可以減少存倉費用,亦唔使刻意再制造一啲收納空間去存放。
至於好有紀念價值,或一啲珍藏,就係同 designer 溝通時,比一個專屬位置佢。咁以後,除左可以有寬敞啲嘅生活空間,亦可以令到設計更加靚。
點決定啲野要唔要呢?近期睇左本書,入面有個方法幾好,同大家分享下。首先,將你所有野分成兩類,一類常用,另一類唔常用。分好之後,等一個月,如果唔常用嗰堆入面嘅野,一個月都冇掂過,就乾脆放棄佢喇。
有冇發覺每次去旅行,就算酒店房好簡單,都會覺得好靚呢?好大原因係因為冇雜物,所以裝修執屋時,不防諗清楚有咩野係可以掉,絕對會對你嘅生活環境有改善。

 

工程小知識

暗門不暗
近年裝修好多人會想整暗門,原因係咩我唔清楚,不過相信好多人係道聽途說,話整暗門靚啲。
到底做暗門係咪會靚左呢?好多時見人做出黎嘅「暗門」,成大條門罅四邊見晒,咁樣真係靚咩?咁仲算唔算暗門?其實做暗門非常考設計師功力,如果功力唔夠,效果一定強差人意。與其做一隻係人都見到嘅暗門,不如光明正大做番見框,效果一定會比較好。

謝夫
#PT201841005

裝修前的準備(續集)

裝修迷思 #5 裝修前的準備(續集) – 設計概念

市場上,有林林總總嘅設計風格,大家又知唔知可以透過乜途徑搵佢哋出嚟? 選擇適合自己嘅設計,不單止要考慮個人喜好,仲要顧及環境因素、實際效果、個人生活習慣等等。搵完一大堆設計構思,能夠清晰咁表達比設計師聽,先可以令你嘅想法付諸實行。裝修前究竟可以準備D乜,先可以達到依個效果呢?

CV201840005