2.2

Chris@鋒Style「裝修佬」專訪

要在設計市場立足,只有工程和設計表現出色未必足夠。「成立公司的初期,我們曾思考過鋒主義有甚麼優勢, 如果說是工程做得好,設計美觀,但事實上又有那一間公司會說自己做得不好呢? 要成為一間成功的工程和設計公司,我們必須提供與別不同的服務」創辦人之一 Chris 在「裝修佬」的專訪中說道。

貼心服務,令客人享受裝修過程

「我們的工程和設計團隊擁有多年豪宅及大型商業項目經驗,在這兩方面,我們有絶對信心,但要令客人真正享受裝修的過程,我們還需要提供貼心的服務,而要保持服務一致性,這些服務指標必須能夠被量化,因此我們創出屬於鋒主義的三大保證。」
鋒主義的三大保證包括工程保證、報價保證及服務保證。簡單而言,工程保證即在工程初期定出明確的完工日期,如未能履行,我們會向客人提供現金補償。而報價保證中,我們保證所有工程的後加收費不會超過原單的5%。最後的服務保證,我們每個項目均特設一位「全方位助理」負責協助客人梳理工程中的瑣碎事情,為客人提供切身意見。而完工後的保養服務,我們會於保養期內主動安排最少一次上門檢查,以保持工程質素。最後,我們更有完善的反饋機制,讓客人有機會為我們的服務在各方面評分。
除了貼心還要創新
「為了讓客人的滿意度進一步提升,鋒主義正預備建立一套全新的網上系統,以增加工程透明度,加強管理程序以及改善溝通渠道。」「呢套系統已經得到咗創科局科技卷計劃資助,預備係2020年既第一季就會推出。我相信有咗呢套系統之後,我相信客人一定會對我地更加滿意。」

想閱讀「裝修佬」訪問全文,請即到以下連結:

了解更多鋒主義,請按此

裝修前的準備(最終回)

裝修迷思 #7 裝修前的準備(最終回) – 如何尋找合適的設計公司

當大家以為自己落足心機,做好準備就一定搵到適合自己嘅設計公司?你又知唔知當中有好多陷阱等緊你?快D睇下有乜要注意啦……

如果不希望錯過好的設計公司,或者因被誤導而選擇不合適的設計公司,大家必需注意以下三個要點:

 

第一,要先做好前幾集提到的準備

當你找設計師/裝修公司時,絶對不能是一張白紙。如果在溝通過程中,客人對裝修目的、預算、設計和建材等毫無概念,幸運的,只是拖慢工程進度,嚴重的,客人有機會被不良設計/裝修公司誤導,任由擺佈,最後導致貨不對辨或爛尾收場。

其他準備詳情可參考:

定立目標 準備預算

設計概念

逛建材街

第二,必需貨比三家

起初,客人可能不清楚裝修師傅,工程公司及設計公司的分別;又或者未能完全明白設計師或裝修師傅解釋的工程內容。但當客人累積的經驗愈來愈多,就可以透過比較它們的服務、收費和施工標準,選擇出最適合自己的裝修團隊。因此,第一步先想清楚自己的目標和預算,其實已可大大地收窄選擇範疇。舉例子說,若客人決定聘請設計公司而非裝修師傅,那客人只需直接比較不同設計公司的服務,而不用再花時間比較裝修師傅和設計公司之差異,反之亦然。當然,貨比三家並不代表要無止境地比較,其實收窄範疇後,大家只需要比較兩至三間不同的公司就已經十分足夠。

第三,預留足夠時間作準備

聘請設計/裝修公司的過程就好比一場談判,所以除了要預留時間做好我們分享過的步驟外,客人更需要預留時間下決定。有更多時間,無疑為自己增加更多籌碼。相反,如客人需要倉猝下決定,就很難選擇到一間適合自己的裝修團隊,後果可大可少。需要預留多時間才合適?一般香港家居內裝約2-3個月,和設計師商討設計及其他準備約需1-1.5個月,準備時間約3-4個月。因此,客人應由預計入伙日倒轉推算約6-9個月作準備最為合適。當然,這個數字只供參考,亦因應客人的單位大小及設計要求而有所調整。

CV201846007
裝修前的準備(續集2)

裝修迷思 #6 裝修前的準備(續集2) – 逛建材街

工程開展之前,客人往往需要花大量時間去消化同考慮設計師提出嘅方案,其中一個最主要原因,係大家太少接觸唔同建築材料,所以好難知道唔同方案嘅優點缺點。當然,大部份人一生只有一兩次裝修經驗,所以係可以理解。但依個問題其實並唔係無辦法解決,想知要點做?快D睇最新一集,裝修迷思 之 裝修前準備 啦!!

CV201842006
裝修前的準備(續集)

裝修迷思 #5 裝修前的準備(續集) – 設計概念

市場上,有林林總總嘅設計風格,大家又知唔知可以透過乜途徑搵佢哋出嚟? 選擇適合自己嘅設計,不單止要考慮個人喜好,仲要顧及環境因素、實際效果、個人生活習慣等等。搵完一大堆設計構思,能夠清晰咁表達比設計師聽,先可以令你嘅想法付諸實行。裝修前究竟可以準備D乜,先可以達到依個效果呢?

CV201840005
裝修前的準備(上集)

裝修迷思 #4 裝修前的準備(上集) 定立目標及準備預算

一個裝修工程,客人閒閒哋有一百幾十個大大少少決定要做,有D決定,可能會影響未來十幾二十年嘅生活,最慘嘅喺,裝修要考慮嘅問題,一般客人係日常生活根本唔會遇到,但諗得太耐,又怕拖慢工程進度,其實客戶要面對壓力真係唔細。所以,今個星期我哋準備左一段短片,希望分享一D心得,話你知究竟裝修前,可以點做準備,令工程可以順利進行。

 

CV201838004

後加單騙案

裝修迷思 #3 後加單騙案

近年, 唔少媒體都報導過關於有設計公司用後加單嚟「欺騙」戶主, 其實點解會有後加單出現? 設計師拎住後加單問你收錢, 又係唔係一定呃你呢? 戶主點先可以避免自己成為下一個「受害者」? 今集內容, 我哋嘗試簡單地解答一下以上嘅疑問…大家唔好錯過呀!

 

CV201836003

五分鐘教你認清3款報價單!

裝修迷思#1《五分鐘教你認清3款裝修報價單》

以前,裝修可以係一件好簡單嘅事,但隨住時代進步,用家嘅要求愈嚟愈高。近年,報紙經常出現有關裝修行業嘅負面報導,大家都好驚自己成為下一個受害者。而我地嘅客人,一開始時都會抱住好多相同嘅疑問,所以我地嘗試製作一系列短片去分享我地嘅經驗。雖然條片無奧斯卡嘅質素,但已經係我地嘔心瀝血嘅製作,希望可以解答到大家最常遇到嘅問題。
 
想幫屋企裝修,第一件事就係搵室內設計公司報價,
但報價單有好多種,你又識唔識得分呢?!

CV201832001