fbpx
工程一分鐘 #1 — 簡單教學

第一次見面,先同大家介紹下,鋒主義由今個星期開始會不定期分享一系列簡單裝修教學 “工程一分鐘”,會由小弟謝夫主持。

內容主要會分做兩部分,第一部分會涉及較多理論或者關於概念既資訊。 第二部分會同大家講解一啲唔同種類既工程小知識。如果大家有咩唔明想知想問,可以 INBOX或者 E-MAIL 比小弟,小弟會盡量安排寫番相關主題,廢話講住咁多,即刻開始第一集~~

我地由淺入深,首先講下全屋基本程序,風火水電木器油漆,到底應該做咩先呢?

基本程序係: 清拆–>水電–>泥水–>木器–> 油漆

當然呢五樣野係未包括晒所有野係入面,但已經包括所有大項。不過呢個程序並唔係絕對,好多時候會因為實際情況而改變。例如,有的位置係必須先做好油漆再做木器。好似燈槽內側,因為安裝後,手伸唔到入去做油漆,但又會見光,就一定要掉轉次序,或者係兩者同時做。所以如果見到工程次序有出入,唔好即時當師傅做錯野,可以直接問下負責人,相信佢會好清楚咁解答你,如果佢答唔出,咁就真係可能有問題喇。

 

工程小知識

大熱天時,個個都開冷氣,亦都係冷氣機最易出問題既時候。今次講下分體機風咀滴水問題。有唔小人試過部機用左幾年之後,係出風位會滴水滴到水舞間咁,到底點解會咁呢?其實出現呢個情況好大機會係去水喉塞左,去水喉塞有兩個可能:第一係由冷氣機去水喉接駁到大廈主喉之間塞左。依種情況其實好易解決,一枝鏍絲批,一條細膠喉或者係飲管,再加你把口就搞掂。首先拆開冷氣機外殼,係凍COIL 下面有個水盆,水盆左或右會有個去水位,插條喉入去用力一吹,就可以通番佢。

第二個情況係大廈主喉塞左。但因為涉及公共地方,再加上大廈主喉係屬於公物,所以依個情況自己就好難解決,要先直接聯絡大廈管理處,等對方安排喇。

不過無論如何,都可以試試第一個方法先,真係唔得的話,先通知管理處都唔遲。

謝夫
#PT201833001

相關文章

三大裝修報價單的類型

三大裝修報價單的類型

[裝修準備] 報價單不但記錄了工程細節內容及價錢,亦是顧客及設計公司的合同,當雙方簽署後即代表同意履行報價單。但明明同一項工程,為甚麼不同公司會交出大相逕庭的報價單?其實報價單無特定格式及內容,設計公司通常會根據內部的慣常程序、工程內容及報價單準備時間來準備,但同時亦會考慮報價單是否能夠吸引顧客。 香港市面上的報價單一般可分為三類: 1. 超簡易報價單...

9個做生意最易失預算的商業工程費用

9個做生意最易失預算的商業工程費用

[商業工程教學] 商業工程包括辦公室、商舖、樓上舖、餐廳等的工程。商業工程的目標是在管理及宣傳上最大化利潤,所以需要切合品牌,有別於家居以放鬆、切合喜愛為主。所以,處理商業與家居工程的思維相異。...

四個學校裝修必定要注意的細節

四個學校裝修必定要注意的細節

[學校裝修教學] 為了改善學生學習環境,不少歷史悠久的學校都會進行校舍改善工程,翻新學校設計,以更貼合現代全人教育的需要。但學校工程中亦有不少注意事項。 學校工程時間 校舍改善工程需要較多時間,學校一般會選擇在較長的假期進行工程,例如復活節、聖誕節,暑假等,以免阻礙日常教育工作,但長假期間,如果學校活動與工期相撞,不但打擾到學生和教職員,也妨礙工程進度。所以,進行學校工程前,校方和工程公司必須有一個明確工期,不但包括何時開始和結束、總工程日數、每星期工程日數等,如有需要,更需定明何日何時不可進行工程。 2. 學校裝修預算...