「我朋友都做工程」

間中都會聽到有人講「黎緊我屋企，諗住搵個朋友 (姑丈？表叔？契哥？) 幫我攪，佢都係做工程」。

雖知道工程分好多種，想搵朋友幫手，首先要了解下佢到底做咩工程。建築地盤定係？ 負責乜野呢？ 定一話係泥水師傅？電燈師傅？木工師傅？本身係打工定係自己判野做？

了解左之後就諗下利弊，做開建築嘅師傅好大機會唔太熟識做法，同埋進程比建築進程會快得多，所以一般建築師傅做裝修都會比較慢一啲。單項師傅大部份只係熟識自己嗰行，要全單做，都需要啲時間學習摸索。如果本身係打開工嘅師傅，可唔可以抽到時間做呢？判比人又有冇時間跟呢？

其實每行都係唔同嘅專業，搵番適當嘅人做，效果一定會比較好。所以如果想屋企做得好，都係搵番專公司會好啲。加上搵一間專業公司做，因為工程管理做得好，亦有長期合作嘅供應商，到埋單計數，未必會貴過你拆散黎做嫁。

工程小知識

剷底定唔剷底？

「係咪應該剷底呢？」好多人都會有呢個疑問。其實冇話剷左一定好啲，唔剷又一定唔好。剷唔剷，剷幾多，到底點揀呢？一般情況你做得，都應該住左一段時間，或者係新買間屋番黎，唔知上手點做。所以全屋做工程時，一般都係剷底好啲。咁到底點剷法呢？係咪真係剷到見石屎就一定好呢？由石屎面做到油漆起貨閒閒地都十層八層功夫，一般剷底係將面灰剷走，重新再批。因為最底層做得好，係十分耐用的。點分做得好唔好呢？其實係你剷面灰嘅時候，如果做得唔好嘅位置已經會跟住甩，做得好嘅位置係十分硬淨。所以其實係可以唔剷的，因為你重做效果都不一定比舊有好。所以結論係剷底係需要的，至於點剷一個好師傅做嘅時後就會話你知邊啲要剷邊啲唔使，担心的話都係搵番一間有工程監督，同埋保養期的設計公司，就可以煩少好多喇。

謝夫

#PT201837003