工程一分鐘 #5 — 「裝修前準備~保留物品」

「裝修前準備~保留物品」

好多人裝修時,都會同 designer 講 「我想要多啲櫃, 多啲收納空間, 因為我好多野。」
上集同大家提過,裝修前要解決物品暫存嘅問題,當然而家可能幾百蚊就可以租個迷你倉放住先。
不過呢個係咪一個最好嘅解決方法呢?
迷你倉可以解決暫存嘅問題,但係暫存只係講緊暫時性,換句話講,裝修時都要預留一啲空間黎放番啲野。
其實有一個更簡單嘅方法 — 就係消滅佢。唔好話裝修,其實每次你執屋,你都會發覺有好多唔等使嘅野。例如各式紀念品,收藏品之類。或者有啲野買左番黎,用左一次就冇再用。只要你將呢類,兩三年冇用過嘅野放棄,你會發覺你多左好多位,少左好多雜物。咁樣做除左可以減少存倉費用,亦唔使刻意再制造一啲收納空間去存放。
至於好有紀念價值,或一啲珍藏,就係同 designer 溝通時,比一個專屬位置佢。咁以後,除左可以有寬敞啲嘅生活空間,亦可以令到設計更加靚。
點決定啲野要唔要呢?近期睇左本書,入面有個方法幾好,同大家分享下。首先,將你所有野分成兩類,一類常用,另一類唔常用。分好之後,等一個月,如果唔常用嗰堆入面嘅野,一個月都冇掂過,就乾脆放棄佢喇。
有冇發覺每次去旅行,就算酒店房好簡單,都會覺得好靚呢?好大原因係因為冇雜物,所以裝修執屋時,不防諗清楚有咩野係可以掉,絕對會對你嘅生活環境有改善。

 

工程小知識

暗門不暗
近年裝修好多人會想整暗門,原因係咩我唔清楚,不過相信好多人係道聽途說,話整暗門靚啲。
到底做暗門係咪會靚左呢?好多時見人做出黎嘅「暗門」,成大條門罅四邊見晒,咁樣真係靚咩?咁仲算唔算暗門?其實做暗門非常考設計師功力,如果功力唔夠,效果一定強差人意。與其做一隻係人都見到嘅暗門,不如光明正大做番見框,效果一定會比較好。

謝夫
#PT201841005

相關文章

三大保證都唔夠??加埋仲裁條款保障你!

三大保證都唔夠??加埋仲裁條款保障你!

2018年起,鋒主義所有工程均加入了我們獨有的三大保證條款 (工期保證、後加保證和服務保證)。推出三年多,三大保證一直發揮重要作用,讓客人在裝修期間更輕鬆自在。但我們並未因此自滿,故此今年保證計劃將會進一步優化。現除三大保證外,我們所有工程合約將同時加入香港仲裁公會所承認的高效仲裁條款,讓客人得到多一層法律保障。 甚麼是仲裁條款?...

工程管理系統

工程管理系統

經過多番努力,一直只聞樓梯響的工程管理系統終於正式誔生了!雖然我們並無龐大的開發資金、公司没有獨立專業的IT部門,系統亦不是甚麼超高科技製作,但我們的管理系統能以一些簡單功能,令整個裝修流程更加透明、協助客人梳理好大量零碎任務,以及清晰記錄工程中的重要里程碑。事不宜遲,現在就等我為各位逐一介紹。 首頁 客人正式簽訂委託書後便會得到一個專屬的個人帳號。登陸後,客人可以清楚看到各項工序的預期完工日子和實際進度,而頁面左手邊顯示出客人需在建議完成時間內需處理的任務,例如:...

設計米說 #7  項目挑戰之滿足不同的期望

設計米說 #7 項目挑戰之滿足不同的期望

項目挑戰之滿足不同的期望   今次都是住宅項目,會分享一下一個來自元朗宏富苑的單位。 戶主收樓時單位內沒有間隔,所以我們與戶主多次商討,以得出戶主對單位的最終期望。 這單位是一手樓,戶主是對新婚夫婦。我們希望藉以下的設計,給他們美好的新居。單位的空間有限,而戶主有不同願望,所以我們必須與戶主達到共識,理解戶主的取向後,便開始我們的工作了。...